Skip to main content

قليل منهم لي هضرو عليه.. هكا تفاعلو المشاهير والفنانين المغاربة مع واقعة التحرش بفتاة فالشارع العام فطنجة

tanger

هيت راديو

أثارت واقعة تعرض فتاة للتحرش الجسدي في الشارع العام بمدينة طنجة، غضبا وسخطا عارما في مواقع التواصل الاجتماعي، كما عبّر عدد من الفنانين والمشاهير المغاربة عن موقفهم من هذه الواقعة، فيما التزم الكثيرون الصمت وعدم الخوض في الموضوع، ربما "خوفا من ردود أفعال بعض متابعيهم".

ونشرت الممثلة المغربية نرجس الحلاق على صفحتها في إنستغرام صورة للشاب وكتبت عليها قائلة :" لابسة كسوة قصيرة وغادة في أمان الله عراها ضربها وهرب بكل فخر واعتزاز والسعادة خارجة من عينيه".

الفنانة الشابة منال وجايلان وكريمة فقد اكتفين بنشر نفس الصورة المركبة التي تظهر سيقان فتاة تطلق مبيدا للحشرات على شاب يتهاوى ويسقط إلى سيارة تابعة للأمن الوطني، أما كوثر بامو فقد نشرت بعض التعاليق الصادمة لبعض الأشخاص الذين دافعو عن التحرش وألقوا باللوم على لباس الفتاة، حيث نشرت صورة أخرى تظهر تحرش بعض الشباب بفتيات محجبات لتواجه أصحاب المواقف المتناقضة

وتحدّث الكوميدي الشاب أسامة رمزي عن الواقعة المسيئة وكتب على إسنتغرام :”الصراحة قبل ما نهضرو على الحل ديال هاد الظاهرة وبزاف ديال الظواهر خاصنا نعترفو باللي فالمغرب عندنا بزاف ديال الشعارات تدعي المثالية ولكن الجوهر فاسد واخلاقيا عندنا مشكل كبير. فاش شفت هاد الفيديو ديال هاد الولد اللي صور بنت غادية وهز ليها الكسوة وضربها اول سؤال جا فراسي هو كيفاش قال فراسو عندو الحق يدير هاد شي أصلا.

وتابع :”واش المبرر ديال هي لابسة هاكا كافي باش يدير هادشي؟ ماكنظنش كايجيني غريب دفاع البعض على الغلط (فنظرهم) بغلط  أكبر وحتى إيلا ماعجبكش لباس شي حد علاش غادي تعاقبو انت بأشمن حق؟ كاين مشكل كبير فالتربية وكبير بزاف تا ولاو بعض الناس عند بالهم قادرين يعطيو لراسهم الحق يعاقبوك ويدخلو فحياتك ويبدلوها”.

وأضاف قائلا :” خاص عقوبات ديال بصح فهادشي وباركا من العاطفة حيث هادشي عندو جوج حلول التربية فالدار والعقوبة اللي ماتخليش الواحد يفكر بحال هاكا أصلا. خاص اللي تعرض لأي ممارسة كاتأديه نفسيا ولا جسديا يديكلاري ويهضر على حقو وقبل مانزلو أحكام نتعلمو نسمعو ونحللو ونفهمو علاش وقع هادشي”.

Reste informé de toute l'actualité
Inscris-toi à la newsletter

The subscriber's email address.
HIT RADIO
HIT RADIO | 100% HITS