جمعية التضامن النسوي: الأمل ديال الأمهات العازبات

جمعية التضامن النسوي: الأمل ديال الأمهات العازبات

من نهار بدات في عام 1985، وجمعية التضامن النسوي ديال رعاية الأمهات العازبات للي أساستها عائشة الشنا، أو ماما عائشة كيفما كي عيطو ليها البنات للي كترعاهم، كتهتم بالاستقبال ديال النساء للي فوضيعة صعيبة، وخصوصا الأمهات العازبات وللي تخلاو عليهم الأسر ديالهم ورفضهم المجتمع بسبب الظروف للي لقاو فيها راسهم. هاد الظروف للي مهما ختالفات الأسباب ديالها، ومهما تنوعات القصص ديال هاد النساء، فالمصير ديالهم كان واحد هو المعاناة ديالهم مع الآباء ديال ولادهم ومع المجتمع. ولحسن الحظ لقاو فالجمعية ديال التضامن النسوي ديال ماما عائشة البيت للي استقبلهم ورعى وليداتهم وكونهم باش يقدرو يعتامدو على نفوسهم.

هيت راديو، زارت هاد الأمهات العازبات فجمعية التضامن النسوي فكازا باش تقربكم كتر من القصص ديالهم للي كي عبرو على الصبر والقوة ديال المرأة.