تعرف على أبرز 5 فنانين أصولهم من مراكش

تعرف على أبرز 5 فنانين أصولهم من مراكش

تعد مراكش من بين المدن التي أنجبت العديد من الفنانين المؤثرين حاليا في المشهد الفني المغربي، سواء تعلق الأمر بالغناء أو التمثيل أو الكوميديا.

هذه لائحة لأبرز الفنانين المراكشيين:

عبد الفتاح الكريني:

تزاد الكريني فمدينة مراكش فسنة 1985، ودابا كيتعتبر واحد من أنجح الفنانين الشباب فالساحة الفنية حاليا، وحققات الأغاني ديالو شهرة كبيرة من بينها "جابرا فان"، "ظالمة"، "أشوف فيك يوم" وغيرهم.

الكوميدي إيكو:

الفنان الكوميدي إيكو حتى هو من مواليد مراكش، وأكيد أن الكل كيلاحظها فاللهجة ديالو المتميزة.

دي جي فان:

الموزع الموسيقي خليل بلقاس المعروف بدي جي فان حتى هو تزاد فمدينة مراكش اللي مازال مستقر فيها، والأغاني اللي خدم عليهم تشهرو بزاف بحال "انتي باغية واحد" لسعد لمجرد وغيرهم.

مجموعة فناير:

فرقة الراب فناير لي تأسسات سنة 2001 كانت البداية ديالها من مراكش، وحتى الأعضاء ديالها كلهم مراكشيين وكيتميزو باللهجة ديالهم اللي كيوظفوها فالأغاني ديالهم، بحال يد الحنة، عشاقة ملالة ونقول مالي.

LARTISTE- لاغتيست:

هاد الفنان اللي رجع من بين الأشهر فالساحة الفنية الفرنسية، هو فالواقع من مواليد قرية فنواحي مراكش سنة 1985 وهاجر لفرنسا وهو فـ8 سنين.